Кара-Ой айылында Улгайган адамдардын күнүнө карата майрамдык иш-чара өтүп, айыл аксакалдарына концерттик программа тартууланып, сый дасторкон уюштурулду.

Кадыралы айылындагы Бабык ашуусуна Тилек Байгубуевдин ысымы ыйгарылып, айыл өкмөтүнүн техникаларынын жардамы менен ашууга баруучу 3 чакырым жол түздөлүп, оңдолду.

Тоголок Молдо айыл аймагынын Соң-Көл жайлоосундагы Молдо ашуусуна жана ички жайлоо «Шабыр» аймагына малдын өтүүсүн жөнгө салуу максатында тосоттор жаңыланып, пайдаланууга берилди.

Тоголок Молдо айыл аймагында өткөн салтанаттуу иш-чарада кыргыз спортунун сыймыгы болгон балбандарга жана мекенди коргоодо кызмат өтөгөн жарандарга «Тоголок Молдо айыл аймагынын Ардактуу атуулу» наамы ыйгарылып, жергиликтүү бюджеттин эсебинен акчалай сертификаттар тапшырылды.